Toshkentda tok urishi oqibatida vafot etgan qizning onasi erini pichoqlab o‘ldirdi
Avvalroq ayblanuvchining qizi do‘kon tomidagi o‘yinchoqni olishga uringanida vafot etgandi.
Toshkentda 11 yoshli qizi tok urishi oqibatida vafot etgan ayol turmush o‘rtog‘ini pichoqlab o‘ldirdi, deb xabar bermoqda Bosh prokuratura matbuot xizmati.
Hodisa qachon sodir bo‘lgani ma’lum qilinmagan. Ayol qo‘lga olinib, unga nisbatan Jinoyat kodeksining 97-moddasi 1-qismi (Qasddan odam o‘ldirish) bilan jinoyat ishi qo‘zg‘atilgan. U 15 yildan ozodlikdan mahrum etilishi mumkin. Hozirda tergov harakatlari olib borilmoqda.
Eslatib o‘tamiz, uning 11 yoshli qizi ishchilar qarovsiz qoldirgan zinapoyaga chiqib, tok urishi oqibatida vafot etgandi. Fojia 30 may kuni Toshkentning Mirobod tumanidagi Qiyot massivi hovlisida sodir bo‘lgan. Jabrlangan qiz boshqa bolalarga tomdan o‘yinchoqni olishga yordam berish uchun uning ustiga chiqqan. Fojia lahzasi kuzatuv kamerasi tomonidan yozib olingan.
O‘shanda bolaning onasi voqea sodir bo‘lganidan bir oy o‘tgach, aybdorlar aniqlanmagani, xavfli hududlar esa avvalgidek zararsizlantirilmagani, chunki simlar o‘yin zonasi yaqinida hamon osilib turgani haqida gapirgan. Shuningdek, ayolning aytishicha, bu vaqt ichida oila tergov jarayoni haqida ham, taxminiy aybdorlar haqida ham hech qanday ma’lumot olmagan.
Izohlar