Toshkentda qizcha tok urishidan vafot etdi — video
Bola o‘yinchoqni olish uchun do‘kon tomiga chiqib, simga tegib ketdi.
Toshkentda 11 yoshli bola ishchilar qarovsiz qoldirgan zinapoyaga chiqib ketayotib, tok urishi oqibatida vafot etdi. IIBB holat yuzasidan izoh berdi.
Ma’lumotlarga ko‘ra, voqea 30-may kuni Mirobod tumani Qiyot massivi hovlisida sodir bo‘lgan. Qayd etilishicha, fojia sodir bo‘lgan kuni hovlida shlagbaum o‘rnatish ishlari olib borilayotgan bo‘lgan, shu sababli ishchilar Mirobod tumani Amir Temur ko‘chasida joylashgan do‘kon yonida, bolalar maydonchasi yaqinida temir narvonni qoldirgan.
Jabrlangan qiz boshqa bolalarga tomdan o‘yinchoqni olishga yordam berish uchun uning ustiga chiqqan. Fojia lahzasi kuzatuv kamerasi tomonidan yozib olingan. Qizcha yuqoriga ko‘tarilib, o‘yinchoqni qo‘liga olgani, keyin pastga tushayotganda simlarga tegib ketgani, shundan so‘ng uning oldiga boshqa odamlar yugurib kelgani seziladi.
Qayd etilishicha, qizcha olgan zarbasi oqibatida voqea joyida vafot etgan. Jabrlangan bolaning onasining aytishicha, fojiadan bir oy o‘tgach, aybdorlar aniqlanmagan, xavfli hududlar esa hali ham zararsizlantirilmagan, chunki simlar o‘yin maydoni yaqinida osilib turibdi.
Shuningdek, ayolning aytishicha, bu vaqt ichida oila tergov jarayoni haqida ham, taxminiy aybdorlar haqida ham hech qanday ma’lumot olmagan. Shu munosabat bilan har tomonlama va xolisona tekshiruv o‘tkazishni, shuningdek, barcha aloqador shaxslarni javobgarlikka tortishni talab qildi.
Holat yuzasidan Jinoyat kodeksining 257-moddasi 2-qismi «a» bandi (Mehnatni muhofaza qilish qoidalarini buzish odam o‘limiga sabab bo‘lsa) bilan jinoyat ishi qo‘zg‘atilgan. Tergov harakatlari olib borilmoqda.
Izohlar