Toshkentda kanalda cho‘kib ketayotgan erkak qutqarildi
Qo‘riqlash bo‘limi xodimlari jabrlanuvchiga birinchi yordam ko‘rsatib, shifokorlarga topshirgan.
Toshkentda mahalliy suv kanali mutaxassislari cho‘kayotgan erkakni payqab qolib, uni qutqarib qolishdi.
Ma’lumotlarga ko‘ra, voqea 11-avgust kuni Uchtepa tumanida sodir bo‘lgan. Qo‘riqlash bo‘limi xodimlari Bo‘zsuv kanali bo‘ylab hududni aylanib chiqayotganda suvda cho‘kib ketayotgan erkakni payqab qolgan.
Huquq-tartibot idoralari xodimlari erkakka qirg‘oqqa chiqishga yordam berib, birinchi tibbiy yordam ko‘rsatgan. Shundan so‘ng, tartib posbonlari tez yordam chaqirib, jabrlanuvchini tibbiy ko‘rikdan o‘tkazish uchun tibbiyot xodimlariga topshirishgan. Hozirda uning ahvoli qoniqarli deb baholanmoqda.
Avvalroq Ohangaronda suv omborida cho‘milayotgan ikki qiz cho‘kib ketgani to‘g‘risida xabar berilgandi. Huquq-tartibot idoralari xodimlari sud-tibbiy ekspertizasini tayinlab, tergovga qadar tekshiruvni boshladi.
Izohlar