Toshkentda Chery Malibu tomiga chiqib ketdi — video
Mashina noto‘g‘ri burilishdan keyin yo‘l-transport hodisasiga uchragan.
17-oktyabr kuni ijtimoiy tarmoqlarda Toshkentda sodir bo‘lgan mudhish YTH videosi tarqaldi. Mutasaddi idoralar hozircha hodisa yuzasidan izoh bermadi.
Ma’lumotlarga ko‘ra, hodisa kunduzi Toshkentning Maxtumquli ko‘chasida sodir bo‘lgan.
Kadrlarda Chery haydovchisi burilish vaqtida Cobalt avtomobili bilan to‘qnashib ketgani va boshqaruvni yo‘qotganini ko‘rish mumkin. Mashina bordyurga uchib kirdi va to‘g‘ridan-to‘g‘ri Malibu tomida paydo bo‘ldi. Jabrlanganlar haqida hozircha hech narsa ma’lum emas, mas’ul organlar hodisa yuzasidan hozircha izoh bermadi.
Eslatib o‘tamiz, Farg‘onada haydovchi maktab yonidagi piyodalar o‘tish joyida uch nafar o‘quvchini urib yuborgandi. YTH oqibatida uch nafar maktab o‘quvchisi jarohat olgan, ulardan biri kasalxonaga yotqizilgan, yana ikki nafariga birinchi tibbiy yordam ko‘rsatilgan. Ish bo‘yicha tergov boshlandi.
Izohlar