Toshkent viloyatida yashovchi fuqaro mamlakatdan 30 ta sa‘vani olib chiqib ketmoqchi bo‘ldi
Fuqaro qushlarni deklaratsiya qilmagan va ularni kiyimlari ostida olib o‘tishga harakat qilgan.
Toshkent viloyatida huquq-tartibot idoralari xodimlari 30 dona sa‘vani kiyim ostidan noqonuniy olib o‘tishga urinishning oldini oldi, deb xabar bermoqda viloyat bojxona boshqarmasi matbuot xizmati.
Ma’lumotlarga ko‘ra, voqea “Navoiy” bojxona postida sodir bo‘lgan. Shubhali harakatlari haqida post xodimlari ogohlantirilgan erkak skanerlanganda, suratlarda shubhali konturlar aniqlandi. Shaxsiy ko‘rikdan o‘tkazilganda, fuqaroning ichki kiyimlari orasiga 30 ta sayroqi qushchalar yashirib qo‘yilgani aniqlangan.
Erkak hayvonlarni deklaratsiya qilmagan va og‘zaki so‘rov davomida ular haqida ham ma’lumot bermagan. Hozirda mazkur holat yuzasidan bojxona organlari xodimlari tomonidan surishtiruv harakatlari olib borilmoqda.
Avvalroq Toshkentda noyob lemur noqonuniy savdodan qutqarilgani haqida xabar berilgandi. Xalqaro miqyosda eng yuqori darajada himoyalangan jonivorni parranda bozorida sotmoqchi bo‘lgan.
Izohlar