Surxondaryoda bir guruh erkaklar ikki fuqaroni kaltakladi

19-noyabr kuni ijtimoiy tarmoqlarda Surxondaryo viloyatida IIB xodimlari go‘yoki ikki nafar farzandi borligi haqida xabarlar tarqaldi. Viloyat IIB holatga oydinlik kiritdi.

Ma’lumot haqiqatga to‘g‘ri kelmasligi aniqlandi. Voqea yuqoridagi er-xotinning farzandlari bilan emas, balki ikki nafar fuqaroning jinoiy guruh tomonidan qasddan tan jarohati yetkazilgani bilan bog‘liq bo‘lgan. Vazirlik ma’lumotlariga ko‘ra, 5-iyul kuni fuqaro besh nafar sherigi, ulardan biri voyaga yetmagan shaxs bilan birgalikda olomon tomonidan ikki fuqaroni kaltaklagan.

Hujumchilar qo‘llari, oyoqlari bilan zarbalar berishgan, shuningdek, pichoq va g‘isht ishlatishgan. Sud-tibbiy ekspertiza xulosasiga ko‘ra, birinchi jabrlanuvchiga o‘rtacha og‘irlikdagi, ikkinchi jabrlanuvchiga esa yengil tan jarohati yetkazilgan. Mazkur holat yuzasidan gumonlanuvchilarga nisbatan quyidagi jinoyat ishlari qo‘zg‘atilgan:

• 105-modda 2-qismining “i, m” bandlari (Bir guruh shaxslar yoki uyushgan guruh a’zosi tomonidan yoxud uning manfaatlarini ko‘zlab qurol yoki sovuq qurol sifatida foydalanilishi mumkin bo‘lgan narsalarni qo‘llagan holda qasddan badanga o‘rtacha og‘ir shikast yetkazish), modda bo‘yicha aybdorlarga 5 yilgacha ozodlikdan mahrum qilish bilan jazolanadi;
• 109-modda 2-qismining “b, v” bandlari (Bir guruh shaxslar yoki uyushgan guruh a’zosi tomonidan yoxud uning manfaatlarini ko‘zlab sovuq qurol sifatida foydalanilishi mumkin bo‘lgan qurol yoki ashyolarni qo‘llagan holda qasddan badanga yengil shikast yetkazish) bo‘yicha aybdor 2 yilgacha ozodlikdan mahrum qilish bilan jazolanadi;
• 127-moddaning 2-qismida (voyaga yetmagan shaxsni g‘ayriijtimoiy xulq-atvorga jalb etish) nazarda tutilgan jinoyatni sodir etgan aybdorlar 5 yilgacha ozodlikdan mahrum qilinishi mumkin.

Besh nafar fuqaroga nisbatan qamoqqa olish tarzidagi ehtiyot chorasi qo‘llanilib, voyaga yetmagan shaxsga shaxsiy kafil tayinlangan. Tergov harakatlari yakunlanib, prokuratura va sudga yuborilgan.

Politsiya xodimlari bosim o‘tkazgani haqidagi xabarlar prokuratura organlari tomonidan tekshirilgan va tasdiqlanmagan. Hozirda huquqni muhofaza qiluvchi organlar xodimlarini obro‘sizlantirish maqsadida yolg‘on ma’lumot tarqatgan shaxslarga nisbatan tekshiruv o‘tkazilmoqda, — deyiladi xabarda.

Eslatib o‘tamiz, Toshkent viloyatida erkak do‘konga qurol bilan kelib, sotuvchini kaltaklagandi. Ma’lum bo‘lishicha, jabrlanuvchi bosqinchining hamxonasi bo‘lgan.