Qoraqalpog‘istonda poyezd yuk mashinasini urib ketdi
Yuk mashinasi haydovchisi teplovozning oldidan o‘tib ketmoqchi bo‘lgan.
30-iyul kuni Qoraqalpog‘istonda KamAZ harakatlanayotgan yo‘lovchi poyezdining to‘g‘ridan to‘g‘ri oldidan o‘tib ketishga urinib, u bilan to‘qnashib ketdi, deb xabar bermoqda “O‘zbekiston temir yo‘llari” axborot xizmati.
Ma’lumotlarga ko‘ra, hodisa qo‘riqlanmaydigan temir yo‘l kesishmasidagi “Baday” va “Beruniy” bekatlari oralig‘ining 592-kilometrida sodir bo‘lgan. Dastlabki ma’lumotlarga ko‘ra, KamAZ harakatlanayotgan poyezd oldida barcha yo‘l harakati qoidalarini buzgan holda temir yo‘l kesishmasini kesib o‘tishga uringan.
To‘qnashuv oqibatida 150 nafar yo‘lovchisi bo‘lgan poyezd yaqinida teplovoz relsdan chiqib ketgan. Xayriyatki, yo‘lovchilardan hech kim jabrlanmagan. YTHda jabrlangan poyezd Andijon—Qo‘ng‘irot yo‘nalishida harakatlanayotgan bo‘lgan, shu sababli mutaxassislar yo‘lovchilarni 6 ta avtobusda Nukus va Qo‘ng‘irotga jo‘natgan.
Hozirda tartib posbonlari tomonidan voqea tafsilotlari o‘rganilmoqda. IIV Transport va turizm obyektlarida xavfsizlikni ta’minlash departamenti matbuot xizmatining ma’lum qilishicha, soat 17:29 da poyezdning texnik shikastlanishlari bartaraf etilgan va u o‘z yo‘nalishi bo‘yicha “Beruniy” bekatigacha harakatini davom ettirgan.
Avvalroq Andijonda uxlab yotgan haydovchi YTHga sabab bo‘lgani haqida xabar berilgandi. Erkak qarama-qarshi yo‘nalishga chiqib, boshqa avtomobil bilan to‘qnashgan.
Izohlar