Qashqadaryoda 14 qozon to‘y oshi pishirgan erkak jazolandi
Fuqaro pushaymon bo‘lib, bunchalik ko‘p mehmon kelishini kutmaganini aytdi.
Qashqadaryoda 31 yoshli fuqaro 14 qozon to‘y oshi tayyorlagani uchun javobgarlikka tortildi, deb xabar bermoqda UzNews.
Hodisa 13-oktyabr kuni Chiroqchi tumanida sodir bo‘lgan. Nogironligi bo‘lgan erkak uyida to‘y o‘tkazdi, unga ko‘plab qarindoshlari va qo‘shnilari keldi. U barcha mehmonlarni to‘ydirish uchun 14 ta katta qozonda palov tayyorlashni tashkil qildi.
Ma’lum bo‘lishicha, bu tadbirlarni o‘tkazish bo‘yicha amaldagi me’yorlarning buzilishi hisoblanadi. Erkak aybiga iqror bo‘lib, bunchalik ko‘p mehmon kelishini kutmaganini aytib, jazoni yengillashtirishni so‘ragan. Sud unga nisbatan Jinoyat kodeksining 192-1-moddasi (To‘ylar, oilaviy tantanalar, ma’raka va marosimlar o‘tkazish tartibiga doir talablarga rioya etmaslik) bilan 4 mln 120 ming so‘m jarima jazosi tayinladi.
Avvalroq O‘zbekistonda eng qimmat palov qayerda ekani ma’lum bo‘lgandi. Palovning eng arzon porsiyasi Qoraqalpog‘istonda bo‘ldi.
Izohlar