Qarshida ikki avtomobil haydovchisi va mototsiklchi ayol poyga uyushtirdi — video
Qiz ma’muriy qamoqqa olindi, yengil avtomobil haydovchilari haydovchilik guvohnomasidan mahrum qilindi.
14-oktyabr kuni ijtimoiy tarmoqlarda mototsiklchi ayolning ikki avtomobil haydovchisi bilan poyga uyushtirgani aks etgan video tarqaldi. YHXB hodisaga izoh berdi.
Ma’lum bo‘lishicha, poyga 13-oktyabr kuni taxminan soat 01:00 da Surxondaryo viloyati Qarshi shahrida bo‘lib o‘tgan. Kadrlarda avtomobil haydovchisi markaziy ko‘chada mototsiklchi qiz bilan tezlik bo‘yicha musobaqalashishni taklif qilayotganini ko‘rish mumkin. Qiz rozi bo‘ladi, shundan so‘ng uchalasi ham katta tezlikda harakatlana boshlaydi va yo‘l harakati qoidalarini qo‘pol ravishda buzadi.
Vazirlik ma’lumotlariga ko‘ra, mototsiklni Andijon viloyatida yashovchi ayol boshqargan. Uning haydovchilik guvohnomasi yo‘q edi. U Jinoyat kodeksining 128-10-moddasi 1-qismi (Yo‘l bezoriligi), 183-moddasi (Mayda bezorilik) hamda 194-moddasi (Ichki ishlar organlari xodimlarining qonuniy talablarini bajarmaslik) bilan aybdor deb topilgan.
U uch sutkaga qamaldi va 25 BHM (10,3 mln so‘m) miqdorida jarimaga tortildi. Gentra haydovchisi bir yilga haydovchilik guvohnomasidan mahrum qilindi, 5 sutkaga ma’muriy qamoqqa olindi va 10,3 mln so‘m jarimaga tortildi.
Eslatib o‘tamiz, Samarqandda BMW M5’ning ikki haydovchisi shahar ko‘chalarida poyga uyushtirgandi. Poygachilar javobgarlikka tortildi.
Izohlar