O‘zbekistonda DXX xodimlari pul evaziga IIBga ishga kirishni va’da qilgan firibgarlarni qo‘lga oldi
Barcha holatlar bo‘yicha jinoyat ishlari qo‘zg‘atilgan.
Toshkent shahri va Qashqadaryo viloyatida DXX xodimlari bir necha huquqni muhofaza qiluvchi organ xodimlarini katta miqdorda pora bilan qo‘lga oldi, deb yozadi O‘zA.
Birinchi holatda, 1992-yilda tug‘ilgan, poytaxt adliya boshqarmasida aloqa operatori bo‘lib ishlagan shaxs huquqni muhofaza qilish organlaridagi tanishlari orqali fuqaroni oz miqdordagi mablag‘ evaziga IIBga ishga joylashtirib qo‘yishni va’da qilgan.
Bundan tashqari, erkak lavozimga qarab narx belgilagan va oddiy askarlar shtatiga kirish uchun 1500 dollar va ofitserlar shtatiga kirish uchun 2000 dollar talab qilgan. Qoidabuzar pul olayotganda jinoyat ustida qo‘lga olindi.
Qashqadaryoda Milliy gvardiya Xavfsizlik boshqarmasi Qarshi bo‘limi xodimi viloyat IIBga ishga kirish evaziga fuqarodan 2000 dollar olgan vaqtida ushlandi.
Mazkur holatlar yuzasidan Jinoyat kodeksining 168-moddasi (firibgarlik) va 211-28-moddasi (pora olish) bilan jinoyat ishlari qo‘zg‘atilgan. Tergov harakatlari olib borilmoqda.
Eslatib o‘tamiz, Qashqadaryoda Sud ekspertizasi markazi eksperti pora bilan qo‘lga tushgandi. Huquq-tartibot idoralari xodimlari Xorazm viloyati soliq inspeksiyasi xodimini ham qo‘lga olgan.
Izohlar