“Na dacha, na pul”: IIBB firibgarlikning yangi turidan ogohlantirdi
Jinoyatchilar arzon narxda dala hovli ijarasi haqida e’lon berishadi, oldindan to‘lovni olishadi va g‘oyib bo‘lishadi.
IIBB fuqarolarni firibgarlikning yangi turi haqida ogohlantirdi, unda jinoyatchilar arzon narxda dala hovli ijarasi haqida e’lon berib, oldindan to‘lovni olishadi va g‘oyib bo‘lishadi.
Tarmoqlarda, ayniqsa Bo‘stonliq tumanining tog‘li hududlarida dala hovlilarni band qilish uchun oldindan to‘lovni amalga oshirishga chaqiruvchi e’lonlar tarqaldi. Ular orasida imkon qadar ishonarli qilib tayyorlangan soxta e’lonlar ham uchrab turadi. Ishonchlilik uchun real saytlardan olingan fotosuratlar va videolardan foydalaniladi.
Firibgarlik e’lonlarining o‘ziga xos xususiyati shundaki, ular juda arzon narxda katta va hashamatli uylarni taklif qiladi. Shu bilan birga, “ijaraga beruvchilar” mavsum tufayli mijozlari ko‘pligini aytib, mijozlarni oldindan to‘lovni amalga oshirishga shoshilmoqda. Bundan tashqari, jinoyatchilar mijozlardan ijarani telefon orqali, ko‘pincha bir necha kishi bilan muhokama qilishni so‘rashadi.
Pul o‘tkazilgandan so‘ng, e’lon va yozishmalar olib borilgan hisob yo‘qoladi. Aldov qurboni bo‘lmaslik uchun faqat rasmiy saytlardan foydalanish kerak. Arzon va hashamatli uylar uchun oldindan pul to‘lash aslo mumkin emas.
Eslatib o‘tamiz, avvalroq O‘zbekistonda firibgarlar past foizli avtomobil va’da qilib, pul bilan g‘oyib bo‘lishgandi. Yuzlab fuqarolar jabrlangan, yetkazilgan zarar 50 milliard so‘mdan ortiq deb baholanmoqda.
Izohlar