Farg‘ona viloyatida yangi yil kechasida qo‘lbola mushakbozlik qilgan ustalar topildi, deb xabar bermoqda Farg‘ona IIB matbuot xizmati.

Ma’lumotlarga ko‘ra, taxminan 10-15 kishi qo‘lbola pirotexnikadan foydalangan. Ushbu fakt bo‘yicha shoshilinch tergov o‘tkazildi.

O‘zbekiston tumani huquq-tartibot idoralari xodimlari huquqbuzarlarning shaxsini aniqlab, ularni topdi. Ularga nisbatan 183-modda (Mayda bezorilik) va 185-1-modda (Pirotexnika buyumlarining qonunga xilof muomalasi) bilan bayonnomalar tuzildi. Ular ma’muriy javobgarlikka tortildi.

Mavzuga doir: Yangi yil tartibsizliklari: o‘zbekistonliklar 2026-yilni qanday kutib oldi. Navbatdagi bayram ham qo‘lbola feyerverklar, xavfli haydash holatlari hamda ommaviy bayramlarni tartibsizlik deb o‘ylab, qo‘rquvga tushgan fuqarolarsiz o‘tmadi.