Farg‘onada do‘kon sotuvchisi o‘z xaridorini pichoqlab o‘ldirdi — video
Sodir etilgan jinoyatdan so‘ng pensioner o‘z omborining yerto‘lasida o‘zini osib qo‘ymoqchi bo‘lgan.
Farg‘ona viloyatida sotuvchi do‘konga yog‘ olgani kelgan xaridorni pichoqlab o‘ldirdi, shundan so‘ng u o‘zini o‘ldirmoqchi bo‘ldi, deb xabar bermoqda Oliy sud axborot xizmati.
Voqea Qo‘qonda sodir bo‘lgan. Nafaqaxo‘r uyi yonida do‘kon ochib, u yerda sotuvchi bo‘lib ishlagan. Voqea sodir bo‘lgan kuni u yog‘ sotib olgani kirgan qo‘shnisi bilan janjallashib qolgan. Og‘zaki tortishuv jiddiy mojaroga aylandi va pensioner pichoq bilan qurollanib, qo‘shnisiga orqadan hujum qildi.
Ayblanuvchi erkakka ko‘plab zarbalar bergan — qo‘shnisi voqea joyida vafot etgan. Bu voqeadan so‘ng, pensioner o‘z joniga qasd qilishga urinib, uy yonidagi ombor yerto‘lasida o‘zini osib qo‘ygan. Biroq uning yaqinlari voqeadan xabar topib, erkakni qutqarib qolgan. Sudda pensioner aybiga iqror bo‘lib, jazoni yengillashtirishni so‘radi. Marhumning o‘g‘li aybdorni qattiq jazolashni talab qildi.
Pensioner Jinoyat kodeksining 97-moddasi 1-qismi (Qasddan odam o‘ldirish) bilan aybdor deb topildi. Unga umumiy tartibli koloniyada 11 yil qamoq jazosi tayinlangan.
Eslatib o‘tamiz, avvalroq Toshkent viloyatida bosqinchi huquq-tartibot idoralari xodimlariga o‘z joniga qasd qilish bilan tahdid qilgandi. Jinoyatchi do‘konni o‘marishga va qochishga uringan, ammo buning uddasidan chiqa olmagach, o‘zini so‘yib tashlashini aytgan.
Izohlar