Rossiyada musulmonlarga halol bo‘lmagan tovarlarni kuryerlik orqali yetkazib berish taqiqlandi
Musulmonlar idorasining tushuntirishicha, javobgarlik faqat ongli ravishda harakat qilganda paydo bo‘ladi.
Rossiyada musulmonlarga halol bo‘lmagan tovarlarni kuryer sifatida tashish taqiqlandi, deyiladi Rossiya musulmonlari diniy boshqarmasi Ulamolar kengashi fatvosida.
Ma’lumotlarga ko‘ra, tovarlar qatoriga spirtli ichimliklar, cho‘chqa go‘shti va boshqa halol bo‘lmagan mahsulotlar kiradi. Shuningdek, qimor o‘yinlari, but-sanamlar va butparastlik buyumlari, shuningdek, islom qoidalariga zid ravishda so‘yilgan hayvonlar go‘shti taqiqlandi. Shu bilan birga, bunday tovarlarni utilizatsiya qilish uchun yoki kuryer uning tarkibi haqida bilmagan taqdirda tashish mumkin.
Buyurtmada halol va harom mollar bo‘lsa, yetkazib berish joiz, lekin kuryer topgan pulining bir qismini sadaqa qilishi kerak. Musulmonlar idorasining tushuntirishicha, javobgarlik faqat taqiqlangan mahsulotni tashish niyatida bo‘lgandagina yuzaga keladi.
Avvalroq Rossiyada ko‘p xotinlikka ruxsat berish fikri o‘zgargani haqida xabar berilgandi. Rossiya Federatsiyasi Bosh prokuraturasi Musulmonlar diniy idorasi Ulamolar kengashiga murojaat qilgan.
Izohlar