Rossiyada muhojirlarning ishsiz oila a’zolari qolishi cheklanadi

Vladimir Putin Rossiya davlat migratsiya siyosatining 2026-2030-yillarga mo‘ljallangan konsepsiyasini tasdiqladi.

Hujjatdan quyidagilar kelib chiqadi:

• Rossiya Federatsiyasi hukumati etnik anklavlarning shakllanishi va migrantlarning marginallashuviga qarshi choralar ko‘radi;
• Rossiya Federatsiyasi migratsiya sohasida davlat nazorati uchun axborot texnologiyalari va biometriyani keng joriy etadi;
• Rossiya Federatsiyasida maktablarga bormaydigan chet ellik bolalar soni kamayishi kerak;
• Rossiya Federatsiyasi hukumati an’anaviy qadriyatlarga ega bo‘lgan chet el fuqarolarining mamlakatga ko‘chib o‘tishiga ko‘maklashadi;
• Hukumat migrantlarning ishlamaydigan va o‘qimaydigan oila a’zolarining Rossiya Federatsiyasida bo‘lishini cheklaydi;
• Rossiya Federatsiyasiga ko‘chib kelayotgan an’anaviy qadriyatlarga ega bo‘lgan chet elliklar soni ko‘payishi kerak;
• Rossiya Federatsiyasiga kelgan mehnat migrantlarini huquqiy qo‘llab-quvvatlash majburiyati ish beruvchiga yuklatiladi;
• noqonuniy migrantlar va jinoyatlar sonining kamayishi migratsiya siyosatining natijasi bo‘lishi kerak.

Eslatib o‘tamiz, O‘zbekiston Rossiyadagi migrantlar uchun imtihonni soddalashtirmoqchi. Migratsiya agentligi rahbarining ta’kidlashicha, “bunday imtihon topshirishda tarix va qonunchilikka oid ko‘plab murakkab va hech kimga kerak bo‘lmagan savollar bor”.