Ikki nafar voyaga yetmagan farzandi bo‘lgan ayol Rossiyadan O‘zbekistonga qaytarildi
Vatandosh xorijda og‘ir moddiy ahvolda qolib, zarur hujjatlarni rasmiylashtirishga muhtoj bo‘lgan.
Rossiyadan ikki nafar voyaga yetmagan farzandi bilan xorijda og‘ir ahvolda qolgan vatandoshimiz O‘zbekistonga qaytarildi, deb xabar bermoqda “Dunyo”.
Ma’lumotlarga ko‘ra, ayol Novosibirskda og‘ir moddiy ahvolga tushib qolgan. Jabrlanuvchi zarur konsullik hujjatlarini rasmiylashtirishga, shuningdek, Bosh konsulxona va Migratsiya agentligi vakolatxonasi tomonidan ma’naviy va moliyaviy yordamga muhtoj edi.
Natijada diplomatlar vatandoshimizga O‘zbekistonga qaytish uchun zarur sertifikatlarni rasmiylashtirishda yordam berishdi, Migratsiya agentligining Novosibirskdagi vakillari esa oilaning vatanga qaytishi uchun aviachiptalar sotib olishdi.
Avvalroq o‘nlab voyaga yetmagan O‘zbekiston fuqarolari Rossiyadan vatanga qaytarilgani haqida xabar berilgan edi. Qaytarish jarayonida IIV, SSV va Ijtimoiy himoya milliy agentligi ishtirok etdi.
Izohlar