Eronda hijob kiyish talabi bekor qilindi
Politsiya jarima solmaslik va hijobsiz ayollarni ta’qib qilmaslik haqida ogohlantirildi.
Eronda majburiy hijob o‘rash to‘g‘risidagi qonunning amal qilishi to‘xtatildi, deb xabar bermoqda Maqsadga yo‘naltirilganlikni tekshirish kengashi a’zosi Muhammadrizo Baxoner.
Mamlakatda hijob kiyish endi qonuniy majburiyat hisoblanmaydi va politsiya bu uchun hech qanday jarima yoki ta’qib qo‘llanilmasligi haqida xabarnoma oldi.
Bayonot bir necha yillik norozilik va qarshilik fonida yangragan. Xususan, 2022-yilda “axloq politsiyasi” tomonidan noto‘g‘ri hijob kiygani aniqlangan 22 yoshli Mahsa Amini hibsga olinib, vafot etganidan keyin ayollar huquqlari uchun ommaviy norozilik namoyishlari kuchaydi.
O‘shanda butun mamlakat bo‘ylab ayollar ko‘chalarga chiqib, bosh kiyimlarini yechishar, sochlarini olishar va “Ayol, hayot, erkinlik” shiorini hayqirib aytishardi.
Eslatib o‘tamiz, Afg‘onistonning Kobul shahrida hijobni noto‘g‘ri o‘ragan ayollar qo‘lga olingandi. Tolibon vazirligi hibsga olish faktini rad etib, “tushuntirish suhbati” deb talqin qilishni talab qilmoqda.
Izohlar