O‘zbekistonda avtomobillar uchun ekologik stikerlar berish tartibi tasdiqlandi
Transport ekologik sinfga qarab uch toifaga bo‘linadi.
O‘zbekiston hukumati avtotransport vositalari uchun ekologik stikerlar berish tartibini tasdiqladi. Avtomobilning ekologik toifasi ishlab chiqaruvchi tomonidan belgilangan ekologik toifasi bo‘yicha aniqlanadi.
Benzin va gazda yuradigan avtomobillar:
- «Yevro-2» va undan yuqori sinf – «toza» toifa;
- «Yevro-0» va «Yevro-1» sinflari – «o‘rta» toifa.
Dizel yoqilg‘isida ishlaydigan avtomobil:
- «Yevro-4» va undan yuqori – «toza» toifa;
- «Yevro-3» – «o‘rta» toifa;
- «Yevro-0,» «Yevro-1,» «Yevro-2» – «zararli» toifa.
«Toza» toifaga gibridlar, muqobil yoqilg‘ida ishlaydigan mashinalar va uch yildan kam bo‘lgan avtomobillar ham kiradi.
Avtomobillarni ro‘yxatdan o‘tkazish va qayta ro‘yxatdan o‘tkazishda uch xil rangdagi – yashil (toza), sariq (o‘rtacha), qizil (zararli) ekologik stikerlar beriladi.
Eko-stikerni YHXX sayti yoki YIDXP portali orqali mustaqil ravishda ham olish mumkin.
Stikerlar muddatsiz amal qiladi.
Izohlar