Farg‘ona hokimi sportchi Alisher G‘aniyevga uy sovg‘a qildi

Yunon-rum kurashi bo‘yicha jahon chempioni Alisher G‘aniyevga uy sovg‘a qilindi.

Farg‘ona viloyati hokimi Xayrullo Bozorov O‘zbekiston tarixida yunon-rum kurashi bo‘yicha ilk jahon chempioni Alisher G‘aniyevga Farg‘ona shahridan xonadon kalitini topshirdi, deya xabar bermoqda hokimlik matbuot xizmati.

Alisher G‘aniyev 2024-yilning oktabr oyida Albaniya poytaxti Tirana shahrida bo‘lib o‘tgan sport kurashlari bo‘yicha U23 toifasidagi jahon chempionatida -60 kg vazn toifasida ishtirok etib, oltin medalni qo‘lga kiritgan.

Sportchi shu tariqa O‘zbekiston tarixida 23 yoshgacha bo‘lgan o‘smirlar o‘rtasida yunon-rum kurashi bo‘yicha birinchi jahon chempioniga aylangan.

Chempionga uy Ekoshahar — “Yangi O‘zbekiston” massividan berildi. Viloyat hokimi chempionni yutuqlari bilan tabriklab, undan niyatlar katta ekani, sportning shu turi bo‘yicha olimpiada yo‘llanmalarini ham olishiga ishonch bildirdi.

NOVA24 Telegramʼda. Obuna boʻling
Tezkor xabarlar va asosiy voqealar