Turkiyaning O‘zbekistondagi yangi elchi tayinlandi

Ufuk Ulutash Turkiyaning O‘zbekistondagi yangi elchisi bo‘ldi.

Bugun, 27 fevral kuni O‘zbekiston Tashqi ishlar vaziri Baxtiyor Saidov Turkiyaning O‘zbekistondagi yangi tayinlangan elchisi Ufuk Ulutashdan ishonch yorliqlari nusxalarini qabul qildi. Bu haqda vazir o‘zining Telegram-kanalida xabar berdi.

Qayd etilishicha, O‘zbekiston va Turkiya nafaqat ikki tomonlama sherikchilik darajasida, balki mintaqaviy hamkorlikni kengaytirishda ham faol davom etmoqda.

Ishonchimiz komilki, birgalikdagi sa’y-harakatlarimiz har ikki mamlakat ravnaqi va taraqqiyotiga xizmat qiladi. Janob Elchini ushbu lavozimga tayinlangani bilan samimiy tabriklaymiz va diplomatik missiyasida muvaffaqiyatlar tilaymiz, deyiladi TIV rahbari xabarida.

NOVA24 Instagramʼda. Obuna boʻling
Asosiy yangiliklar va qiziqarli videolar