Xitoydan Olmaliq va Termiz uchun yoʻlovchi avtobuslar xarid qilinadi

Transport vazirligi bu borada Xitoy kompaniyasi bilan muzokaralar o‘tkazganini ma’lum qildi.

O‘zbekistonning Termiz va Olmaliq shaharlariga zamonaviy avtobuslar xarid qilinishi rejalashtirilmoqda. Shu maqsadda, O‘zbekiston Respublikasi transport vazirining birinchi o‘rinbosari Mamanbiy Omarov 19-fevral kuni videokonferensaloqa orqali Xitoyning Zhongtong Bus Holdings Co. Ltd kompaniyasi, CIB banki hamda Sinosure sug‘urta tashkiloti vakillari bilan muzokaralar o‘tkazdi.

Uchrashuv davomida Olmaliq, Termiz va Toshkent shahriga zamonaviy avtobuslarni xarid qilish loyihalarini moliyalashtirish masalalari muhokama qilindi.

Xususan, Olmaliq shahrida “Olmaliq Trans Service” MChJ tomonidan 83 dona, Termiz shahrida esa “Termiztransportxizmat” MChJ tomonidan 100 dona zamonaviy avtobus sotib olish rejalashtirilgan.

“Shuningdek, mamlakatning boshqa viloyatlariga ham zamonaviy avtobuslarni sotib olish jarayonida kredit va lizing shartlarini yengillashtirish bo‘yicha takliflar ilgari surildi”, deyiladi xabar so‘ngida.

NOVA24 TikTokʼda. Obuna boʻling
Asosiy yangiliklar va qiziqarli videolar