Jizzaxda 0,30 ga yerni 700 mln so‘mga sotmoqchi bo‘lgan shaxs ushlandi

Hozirda mazkur holat yuzasidan jinoyat ishi qo‘zg‘atilib, tergov harakatlari olib borishga kirishilgan.

Jizzaxda fuqaro M.I.ning murojaatiga asosan tezkor tadbir o‘tkazildi, deb xabar berdi Bosh prokuratura matbuot xizmati.

Maʼlum qilinishicha, Sharof Rashidov tumani, “Kuyovboshi” mahallasida joylashgan davlat dasturi asosida meva-sabzavot mahsulotlarini qayta ishlash bo‘yicha 6 ta ish o‘rni yaratish va 450 mln so‘m investitsiya kiritish sharti bilan “O.Q.M” MChJga ajratilgan.

Fuqaro Z.T. 0,50 gektar bo‘sh yer maydonining 0,30 gektar qismini 705 mln so‘mga sotishga kelishib, oldindan 500 mln so‘mini olayotgan vaqtida ushlangan.

Mazkur holat yuzasidan Jinoyat kodeksining 25,168-moddasi 4-qismi “a” bandi (firibgarlik juda ko‘p miqdorda) bilan jinoyat ishi qo‘zg‘atilib, tergov harakatlari olib borishga kirishilgan.

NOVA24 TikTokʼda. Obuna boʻling
Asosiy yangiliklar va qiziqarli videolar