1 fevraldan yotoqli poyezdlar chiptasi ham qimmatlashadi

“O‘ztemiryo‘lyo‘lovchi” buni temir yo‘l vokzallari faoliyatini ta’minlash bilan izohlagan.

1 fevraldan e’tiboran tezyurar bo‘lmagan (yotoqli) yo‘lovchi poyezdlar chiptasi ham qimmatlashadi. “O‘ztemiryo‘lyo‘lovchi” kompaniyasining ma’lum qilishicha, mahalliy yo‘nalishlardagi chipta narxining tarif qismi 10,5 foizga oshiriladi.

Bu – yo‘lovchi tashish sohada moliyaviy zararlarni nisbatan qisqartirish, temir yo‘l infratuzilmasi xarajatlari, elektr energiyasi, yoqilg‘i va transport xarajatlarini qoplash, shuningdek yo‘lovchi vagonlar parkini yangilash, temir yo‘l vokzallari faoliyatini ta’minlash bilan izohlangan.

Avvalroq “O‘zbekiston temiryo‘llari” 1 fevraldan boshlab tezyurar poyezdlar uchun chiptalar narxi oshirilishini ma’lum qilgandi: “Afrosiyob” – 20-25 foizga, “Sharq”, “Nasaf” va “O‘zbekiston” chiptalari 30 foizga qimmatlashadi.

NOVA24 Telegramʼda. Obuna boʻling
Tezkor xabarlar va asosiy voqealar