Qishki taʼtilda qoʻshimcha poyezd qatnovlari va vagonlar qoʻshilmoqda

Qishki ta’til vaqtida Toshkentdan Samarqand va Urganchga qo‘shimcha poyezdlar qatnovi yo‘lga qo‘yiladi.

Qoʻshimcha qatnovlar 15-dekabrdan 12-yanvargacha ikkita yoʻnalishda tashkil etiladi va yana toʻrtda yoʻnalishda qoʻshimcha vagonlar qoʻyiladi. Bu haqda Transport vazirligi matbuot xizmati xabar berdi.

17-dekabrdan boshlab Toshkent-Urganch-Toshkent yoʻnalishida 18 ta, 15-dekabrdan esa Samarqand-Toshkent-Samarqand yoʻnalishida “Afrosiyob” tezyurar elektropoyezdiga qoʻshimcha 30ta qatnov amalga oshiriladi.

Bundan tashqari, quyidagi yoʻnalishlar boʻyicha qoʻshimcha vagonlar qoʻyiladi:

• Toshkent-Qoʻngʻirot-Toshkent;
• Toshkent-Termiz-Toshkent;
• Toshkent-Urganch-Toshkent;
• Toshkent-Sariosiyo-Toshkent.

Mazkur yoʻnalishlar uchun 20-dekabrdan boshlab har kuni 4 ta qoʻshimcha plaskart vagonlari qoʻshiladi.

Bundan tashqari, barcha mahalliy yoʻnalishdagi qatnovlarga chegirma eʼlon qilingan. Arzonlashtirilgan narxlar 23-dekabrdan 10-yanvargacha amal qiladi. Biroq, chegirmalar SV/VIP klass vagonlariga va yuqori tezlikda harakatlanuvchi “Afrosiyob” elektropoyezdiga taqdim etilmaydi.

NOVA24 Telegramʼda. Obuna boʻling
Tezkor xabarlar va asosiy voqealar