Qoʻqonda talaba qiz oʻzini yotoqxonaning 3-qavatidan tashlab yubordi

Qoʻqon davlat pedagogika institutining 2-bosqich talabasi yotoqxonaning 3-qavatidan oʻzini tashladi.

Qoʻqon davlat pedagogika institutining 2-bosqich talabasi yotoqxonaning 3-qavatidan oʻzini tashlab, joniga qasd qildi.

Bosh prokuratura matbuot kotibi Hayot Shamsutdinovning xabar qilishicha, hodisa 13-dekabr kuni soat 01:20 larda yuz bergan. Furqat tumanida roʻyxatda turuvchi, Qoʻqon davlat pedagogika instituti amaliy fanlar fakulteti jismoniy madaniyat yoʻnalishi, 2-bosqich talabasi oʻz joniga suiqasd qilib, institutning 3-sonli talabalar turar joyi binosining 3-qavatidan oʻzini tashlab yuborgan.

Baxtsiz hodisadan soʻng talaba zudlik bilan Qoʻqon shahar tez tibbiy yordam boʻlimga olib borilgan.

Hozirda ushbu holat yuzasidan shahar prokuraturasi tomonidan tergovga qadar tekshiruv oʻtkazilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar