O‘zbekistonda doimiy aholi soni 37,5 mlndan oshdi

2024 yilning 9 dekabr holatiga O‘zbekistonda doimiy aholi soni 37 mln 535 ming 605 kishini tashkil etdi.

Statistika agentligi xabar berishicha, shundan ayollar soni — 18,6 mln kishi, erkaklar soni — 18,9 mln kishi.

22 aprel kuni O‘zbekistonning doimiy aholisi 37 million kishiga yetgandi.

Avvalroq O‘zbekistonda 1 km kv yer maydoniga qancha aholi soni to‘g‘ri kelishi aytilgandi.

Statistika agentligi ma’lumotlariga ko‘ra, 2024 yilning 1 oktyabr holatiga O‘zbekistonda 1 km kv yer maydoniga o‘rtacha 83,2 nafar doimiy aholi soni to‘g‘ri kelgan.

Bu esa o‘tgan yilning mos davriga nisbatan solishtirilganda o‘rtacha 1,7 kishiga ortgan (2023 yil 1 oktyabr holatiga 1 kv kmga 81,5 kishi to‘g‘ri kelgan).

NOVA24 TikTokʼda. Obuna boʻling
Asosiy yangiliklar va qiziqarli videolar