Shavkat Mirziyoyev Sadir Japarovni tug‘ilgan kuni bilan tabrikladi

Qirg‘iziston prezidenti Sadir Japarov 6-dekabr kuni 56 yoshni qarshi oldi.

Shavkat Mirziyoyev 6-dekabr kuni Qirg‘iziston prezidenti Sadir Japarovni tug‘ilgan kuni bilan tabrikladi. Bu haqda Prezident matbuot xizmati xabar berdi.

Sadir Japarov 1968-yilda tug‘ilgan bo‘lib, bu yil 56 yoshni qarshi oldi. Shavkat Mirziyoyev Qirg‘iziston yetakchisiga mustahkam sog‘lik, oilaviy baxt-saodat hamda mamlakatning barqaror ijtimoiy-iqtisodiy taraqqiyotini ta’minlashga qaratilgan keng ko‘lamli islohotlarni amalga oshirishda katta muvaffaqiyatlar, qardosh qirg‘iz xalqiga esa farovonlik va ravnaq tilagan.

O‘zbekiston va Qirg‘iziston prezidentlari, suhbat davomida Markaziy Osiyoda mintaqaviy hamkorlik masalalari yuzasidan ham fikr almashdilar va bo‘lajak qo‘shma tadbirlar rejasini muhokama qilgan.

NOVA24 Instagramʼda. Obuna boʻling
Asosiy yangiliklar va qiziqarli videolar