“O‘zgidromet” dam olish kunlariga prognozini e’lon qildi

O‘zbekiston hududiga Kaspiy dengizi hududlaridan nam va sovuq havo massalari kirib kelmoqda.

Bir necha kun kuzatilgan juda iliq va quruq ob-havodan so‘ng, bugundan boshlab O‘zbekiston hududiga Kaspiy dengizi hududlaridan nam va sovuq havo massalari kirib kelishi boshlandi, deb xabar bermoqda “O‘zgidromet”.

Qayd etilishicha, 29-noyabr va dam olish kunlari respublika bo‘yicha vaqti-vaqti bilan yomg‘ir yog‘adi, ba’zi joylarda kuchli bo‘ladi. 30-noyabr—1-dekabrda ayrim joylarda yomg‘ir qorga aylanishi mumkin.

O‘zbekistonning tog‘oldi va tog‘li hududlarida 29-noyabr — 1-dekabrda sel-suv toshqin hodisalari yuzaga kelishi mumkin. Respublika hududi bo‘yicha yomg‘ir suvlari to‘planishi ehtimoli bor, bu esa hududlarni suv bosishiga olib kelishi mumkin.

Havo harorati asta-sekin pasayadi. Kechagi 20-23 daraja daraja iliqdan so‘ng, 29-noyabr, juma kuni kunduzi harorat 10-15 daraja darajagacha iliq, 1-dekabr, yakshanba kuni esa 3-8 daraja iliqlashadi.

Respublikaning ayrim joylarida shamol tezligi 13-18 metr/sekundgacha kuchayishi mumkin.

NOVA24 TikTokʼda. Obuna boʻling
Asosiy yangiliklar va qiziqarli videolar