“O‘zgidromet” sel-suv toshqini hodisalari yuzaga kelishidan ogohlantirdi

Respublika hududi bo‘yicha yomg‘ir suvlari to‘planishi ehtimoli bor.

“O‘zgidromet” direktori tezkor gidrometeorologik axborot e’lon qildi.

Unga ko‘ra, 29-noyabr—2-dekabr kunlari O‘zbekiston hududiga nam va sovuq havo massalari kirib kelishi kutilmoqda.

29-noyabr—1 dekabrda respublika bo‘yicha vaqti-vaqti bilan yomg‘ir yog‘adi, ba’zi joylarda kuchli bo‘ladi. 30-noyabr—1-dekabrda ayrim joylarda yomg‘ir qorga aylanishi mumkin.

Havo harorati asta-sekin pasayadi va 1—2-dekabrga kelib, 3 daraja sovuq-2 daraja iliqni, kunduz kunlari 3-8 daraja iliqni, shimolda kechalari 3-8 daraja sovuqni, kunduz kunlari 2 daraja sovuq-3 daraja iliqni tashkil etadi.

Respublikaning ayrim hududlarida shamol tezligi 13-18 metr/sekundgacha kuchayishi mumkin.

O‘zbekistonning tog‘oldi va tog‘li hududlarida 29-noyabr-1 dekabr kunlari sel-suv toshqin hodisalari yuzaga kelishi mumkin. Respublika hududi bo‘yicha yomg‘ir suvlari to‘planishi ehtimoli bor, bu esa hududlarni suv bosishiga olib kelishi mumkin.

NOVA24 YouTubeʼda. Obuna boʻling
Asosiy yangiliklar va qiziqarli videolar