“Oʻzbekiston temiryoʻllari” AJ 2024-yil 1-dekabrdan mahalliy qatnovdagi vagonlar orqali yuk tashish tariflarini oshiradi. Bu haqda kompaniya matbuot xizmati xabar berdi.

Qayd etilishicha, “Oʻzbekiston temiryoʻllari” AJ tomonidan koʻrsatilayotgan yuk tashish xizmatlarida vagon qismiga bogʻliq xarajatlar oshgan.

Ushbu xarajatlarni qisman qoplash hamda yuk vagon parkini yangilash maqsadida 2024-yil 1-dekabrdan mahalliy qatnovda aksiyadorlik jamiyatiga tegishli (inventar) vagonlarda yuk tashish tariflari vagon turidan (universal, maxsuslashtirilgan va sisterna) kelib chiqib, tarif stavkalaridagi vagon qismi 30 foiz miqdorida oshiriladi, deyiladi xabarda.