Urganchga Xitoydan 30 ta zamonaviy avtobus olib kelindi

Shartnoma boʻyicha jami 80 dona Zong tong rusumli avtobuslar xarid qilinadi.

Urganch shahrida aholiga sifatli jamoat transporti xizmati koʻrsatishni yoʻlga qoʻyish, harakat tarkibini yangilash, yoʻlovchilarga qoʻshimcha qulayliklar yaratish maqsadida Xitoyda ishlab chiqarilgan zamonaviy 30 dona Zong tong rusumli avtobuslar keltirildi. Bu haqda Transport vazirligi xabar berdi.

Qayd etilishicha, ushbu jamoat transport vositalari “Bunyod yoʻlovchi tashish” MChJ tomonidan olib kelingan.

Korxona tomonidan “Oʻzmilliybank” AJning imtiyozli kreditlari asosida jami 80 dona Zong tong rusumli avtobuslarni xarid qilish yuzasidan shartnoma tuzilgan.

Hozirda loyihaning birinchi bosqichi doirasida 50 dona avtobus xarid qilindi. Tez orada qolgan 20 dona avtobus Urganch shahriga yetib keladi, deyiladi xabarda.

NOVA24 Telegramʼda. Obuna boʻling
Tezkor xabarlar va asosiy voqealar