Chirchiq daryosi o‘zaniga 273,8 mlrd so‘mlik zarar yetkazildi

Chirchiq daryosidan qum-shag‘al aralashmasi qazib olinishi oqibatida tabiatga 273,8 mlrd so‘m zarar yetkazildi.

Toshkent viloyati Yangiyo‘l tumani, “Samarqand” mahallasi hududidan oqib o‘tuvchi Chirchiq daryosi hududida tezkor ekologik reyd tadbirlari o‘tkazildi. Bu haqda Ekologiya vazirligi matbuot xizmati xabar berdi.

Reyd tadbirida Chirchiq daryosi o‘zanidan MChJ tomonidan noqonuniy ravishda qum-shag‘al aralashmasi qazib olinayotgan vaqtida to‘xtatildi.

Mazkur MChJ bundan oldin ham davlat inspektorlari tomonidan ogohlantirilganligi va javobgarlikka tortilganiga qaramay, faoliyatini davom ettirgan.

Qum-shag‘al qazib olinishi natijasida tabiatga 273 milliard 802 million 688 ming so‘m miqdorida zarar yetkazilgan.

Ish yuzasidan to‘plangan barcha hujjatlar tegishli huquqni muhofaza qilish organlariga yuborildi.

NOVA24 TikTokʼda. Obuna boʻling
Asosiy yangiliklar va qiziqarli videolar