Poytaxtda issiqlik taʼminoti narxi 15 foizga oshiriladi

Toshkent shahar hokimi issiqlik taʼminoti narxini 15 foizga oshirish bo‘yicha qaror qabul qildi.

Toshkent shahri hokimining “Veolia Energy Tashkent MChJ XK tomonidan ko‘rsatiladigan issiqlik taʼminoti xizmatlari uchun tartibga solinadigan yangi narxlar (tariflar)ni tasdiqlash to‘g‘risidagi” qarori qabul qilindi.

Yangi tariflar to‘g‘risidagi qaror 12-sentyabr kuni xalq deputatlari poytaxt Kengashi tomonidan qabul qilingandi.

Hokim qaroriga ko‘ra, Veolia Energy Tashkent MChJ XK tomonidan ko‘rsatiladigan markazlashgan issiqlik taʼminoti xizmatlari uchun quyidagi narxlar tasdiqlandi:

• tartibga solinadigan bazaviy narx va budjet tashkilotlari tarifi amaldagi darajasida — 664 465 so‘m/Gkal va 801 963 so‘m/Gkal;
• aholi uchun 121 617 so‘m/Gkal;
• boshqa ulgurji tashkilotlarga 244 497 so‘m/Gkal.

Barcha narxlar qo‘shilgan qiymat solig‘isiz ko‘rsatilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar