Toshkentda ikki piyodani urib yuborgan Lacetti daraxtga urilib, majaqlanib ketdi

YTH oqibatida haydovchi va piyodalar olgan tan jarohatlari oqibatida voqea joyida vafot etgan.

Toshkent shahri Chilonzor tumanida haydovchi Lacetti’da ikki piyodani urib yubordi. Bu haqda poytaxt YHXB axborot xizmati xabar berdi.

Qayd etilishicha, holat 22-oktyabr kuni soat 06:20 larda Bunyodkor shoh ko‘chasida sodir bo‘lgan. Mashina piyodalarni urib yuborib, daraxt bilan to‘qnashgan.

Yo‘l-transport hodisasi oqibatida haydovchi va piyodalar olgan tan jarohatlari oqibatida voqea joyida vafot etgan.

Holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi (Transport vositalari harakati yoki ulardan foydalanish xavfsizligi qoidalarini buzish) 3-qismi bilan jinoyat ishi qo‘zg‘atilgan. Tergov davom etmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar