O‘zbekistonda qaysi avtomobillar eng ko‘p sotilmoqda?

O‘zavtosanoat 2024-yilning dastlabki uch choragida sotilgan mahalliy ishlab chiqaruvchilarning avtomobillari bo‘yicha statistikani taqdim etdi.

Yanvardan sentabrgacha mamlakatda mahalliy ishlab chiqaruvchilar 303 ming 373 ta avtomobil sotgan. Jumladan, UzAuto Motors 271 ming 221 ta, ADM Jizzakh 19 ming 766 ta, BYD Uzbekistan Factory 11 ming 580 ta avtomobilni xaridorlarga yetkazib bergan.

Korxonalarning mahalliy bozordagi ulushi UzAuto Motors`da 89,4 foiz, ADM Jizzakh`da 6,5 foiz, BYD Uzbekistan Factory`da 3,8 foizni tashkil etgan.

Brendlar bo‘yicha Chevrolet`dan keyingi o‘rinlarni Kia, BYD va Chery egallagan.

Modellar bo‘yicha yuqori o‘ntalikdan Chevrolet`ning Cobalt, Damas, Tracker, Onix, Labo, Lacetti`si bilan birga BYD Song Plus Champion DMI, Kia Sonet, BYD Chazor, Chery Tiggo 7 Pro`lar o‘rin egalladi.

NOVA24 Instagramʼda. Obuna boʻling
Asosiy yangiliklar va qiziqarli videolar