Xorazmda qariyb 240 mln so’mlik dorilarning noqonuniy savdosi fosh qilindi
Urganch shahrida dori vositalarini noqonuniy muomalaga kiritilishining oldi olindi.
Xorazm viloyati Urganch shahrida dori vositalarini noqonuniy muomalaga kiritilishining oldi olindi, deb xabar bermoqda Prokuratura departamenti axborot xizmati.
Unga ko’ra, holat Bosh prokuratura huzuridagi departamentning Xiva tumani bo‘limi xodimlari tomonidan o‘tkazilgan tezkor tadbirda aniqlangan. “R.F.” xususiy korxonasi rahbari Y.R. tegishli ruxsatnoma olmasdan korxonaga qarashli dorixonada dori vositalari va tibbiy buyumlar savdosi bilan shug‘ullanib kelgan.
855 turdagi jami 48 391 dona umumiy bahosi 239 mln so‘mlik dori vositalari va tibbiy buyumlar ashyoviy dalil sifatida olingan.
Mazkur holat yuzasidan Jinoyat kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Мавзуга оид хабарлар:
Toshkentda 100 ming dona etil spirtini sotishga uringanlar ushlandi Hududlarda kuchli taʼsir qiluvchi dori vositalari savdosi fosh etildi Namangandagi MChJ qariyb 192 mln so‘mlik “svet”dan noqonuniy foydalangani aniqlandi Xorazmdagi uylarning birida yong‘in sodir bo‘ldi Toshkentda muddati o‘tgan dori vositalari muomalaga kiritilishining oldi olindi