Maktab ochadigan tadbirkorlarga 20 mlrd so‘mgacha mablag‘ ajratiladi
Tadbirkorlar o‘z hisobidan maktab qursa, unga ketgan xarajatlar foyda solig‘idan chegirib tashlanadi.
2025 yildan boshlab O‘zbekistonda xususiy sektorda o‘quvchi o‘rinlarini ko‘paytirish uchun maktab ochadigan tadbirkorlarga 20 mlrd so‘mgacha mablag‘ ajratiladi. Bu haqda prezident Shavkat Mirziyoyev ta’lim sohasi vakillari bilan muloqotida ma’lum qildi.
Bu kredit foizining asosiy stavkaning 1,5 barobaridan oshgan qismi budjetdan qoplab beriladi. Bundan tashqari, yangi quriladigan xususiy maktab binolari uchun kommunal xarajatlarning 50 foizi ham 5 yil muddatgacha budjetdan to‘lab beriladi.
Tadbirkorlar o‘z hisobidan maktab qursa, unga ketgan xarajatlar foyda solig‘idan ikki yil davomida teng ulushlarda chegirib tashlanadi.
Prezident aholi o‘sishi tufayli maktablarda yiliga 120 mingta, bog‘chalarda esa 30 mingta qo‘shimcha o‘ringa talab yuzaga kelayotganini qayd etdi. Shundan kelib chiqib 2025 yili budjetdan ajratiladigan 3 trln 200 mlrd so‘m hisobidan 375 ta maktab va 97 ta bog‘cha rekonstruksiya qilinadi va yangilari quriladi.
Мавзуга оид хабарлар:
Toshkentdagi xususiy maktabda ikki oʻqituvchi 9-sinf oʻquvchisini kaltakladi O‘zbekistonda talabalar uchun yangi stipendiya joriy qilinadi Ohangaronda MChJ rahbari 9 kishining nomiga imtiyozli kredit rasmiylashtirgani aniqlandi Qashqadaryoda bank xodimi mijozning uyiga bostirib kirmoqchi bo‘ldi Andijonda tadbirkorga kredit bermagan bankdan 200 mln so‘m undirildi