O‘zbekistonda talabalar uchun yangi stipendiya joriy qilinadi

Shavkat Mirziyoyev Abdulla Avloniy nomidagi stipendiyani tashkil etishni taklif qildi.

Prezident matbuot xizmati xabariga ko‘ra, bu yil 14 ta maktabda pedagog kasbiga qiziqqan 10-11-sinf o‘quvchilari uchun alohida sinflar tashkil etildi. Kelgusi o‘quv yilidan yana 60 ta maktabda, jumladan, 10 ta ixtisoslashgan maktabda bu tajriba joriy qilinadi.

Kelajakda ushbu sinflarni tamomlagan o‘quvchilar shu yo‘nalishdagi oliygohlarga kirsa, ularga 2-kursdan maktabga borib kasbiy mahoratini oshirishi uchun imkoniyat yaratiladi. Alohida qobiliyatga ega talabalarga dars o‘tgani uchun oylik ham to‘lanadi.

O‘quvchisi xalqaro fan olimpiadalarida g‘olib bo‘lgan o‘qituvchilar endi 150 million so‘mgacha mukofotlanishi ham aytildi.

NOVA24 YouTubeʼda. Obuna boʻling
Asosiy yangiliklar va qiziqarli videolar