Qashqadaryoda elektrdan noqonuniy foydalangan “zapravka” aniqlandi

Qarshi tumanida 361,9 mln so‘mlik elektr energiyasidan noqonuniy foydalangan “zapravka” fosh qilindi.

Qashqadaryo viloyatining Qarshi tumanida 361,9 mln so‘mlik elektr energiyasidan noqonuniy foydalangan avtomobillarga yonilg‘i quyish shoxobchasi aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Maʼlum qilinishicha, tumanda faoliyat yurituvchi “K.A.” xususiy korxonasi rahbari va boshqalar korxonaning avtomobillarga yonilg‘i quyish shoxobchasida o‘rnatilgan elektr hisoblagichni yechib olib, jami 361,9 mln so‘mlik “svet”dan noqonuniy foydalangani aniqlangan.

Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar