Termizda qarzdorning qariyb 11 mlrd soʻmlik mulki auksionga chiqarildi
Mazkur ijro ishi doirasida 6 mlrd 86,788 mln soʻm kredit qarzdorligini undirish belgilangan.
Termiz shahrida qarzdor MChJning qariyb 11 mlrd soʻmlik ikki qavatli maishiy xizmat koʻrsatish va savdo binolari auksionga chiqarildi. Bu haqda MIB matbuot kotibi maʼlum qildi.
Majburiy ijro byurosi Termiz shahar boʻlimi ish yurituvidagi ijro hujjatiga koʻra, Termiz shahrida faoliyat yuritib kelayotgan “M.” MChJ olingan kreditni oʻz vaqtida qaytarmaganligi sababli 6 mlrd 86,788 mln soʻmni undirish belgilangan.
Qayd etilishicha, mazkur ijro hujjati yuzasidan Byuroning Termiz shahar boʻlimi davlat ijrochisi Dilmurod Nazarov tomonidan garov mulki hisoblangan Termiz shahrida joylashgan “Osiyo” restorani bilan tanilgan ikki qavatli maishiy xizmat koʻrsatish va savdo binolari xatlovga olingan.
Ushbu xatlovga olingan bino mutaxassis xulosasiga asosan 10 milliard 940 million soʻm boshlangʻich narx bilan onlayn-auksion savdolariga chiqarildi, deydi MIB matbuot kotibi.
Uning qoʻshimcha qilishicha, qarzdor jamiyatning 230 million soʻmga yaqin soliq qarzdorligi ham mavjud.
Мавзуга оид хабарлар:
Farg‘onada kelin sarpolarini MIB orqali qaytarib oldi Farg‘onada qidiruvdagi mashina YTHga uchragan holda topildi Toshkentda 363 marta qoida buzgan Spark xatlovga olindi Fuqaroga uy olib berishini aytib, chuv tushirgan shaxsdan salkam 100 mln soʻm undirildi Toshkentda erkak qariyb 820 mln so‘m miqdoridagi alimentni oldindan qopladi