Surxondaryodagi YTHda 19 yoshli uch yigit vafot etdi
Sariosiyo tumanida sodir bo‘lgan yo‘l-transport hodisasi oqibatida uch kishi halok bo‘ldi.
Surxondaryo viloyatining Sariosiyo tumanida 3 kishining o‘limi bilan yakunlangan YTH sodir bo‘lgani haqida xabarlar tarqaldi. Viloyat YHXB matbuot xizmati buni tasdiqladi.
17-sentyabr kuni soat 03:15 larda viloyat IIB navbatchilik qismiga kelib tushgan xabarga ko‘ra, Sariosiyo tumani, “Shabnam” MFY hududidan o‘tuvchi M41 avtomobil yo‘lining 1463 kilometrida 2004-yilda tug‘ilgan, haydovchilik guvohnomasiga ega bo‘lmagan fuqaro Nexia-2 transport vositasini Denov—Sariosiyo yo‘nalishi bo‘ylab boshqarib kelib, qarama-qarshi tomondan harakatlanib kelayotgan, 2005-yilda tug‘ilgan, haydovchilik guvohnomasiga ega bo‘lmagan haydovchi boshqaruvidagi “VAZ-2107” rusumli transport vositasi bilan to‘qnashgan.
Hodisa joyidan olingan dastlabki ma’lumotlarga ko‘ra, “VAZ-2107” rusumli avtomobil salonida bo‘lgan 3 nafar yo‘lovchi (haydovchining sinfdoshlari) vafot etib, ikkala avtotransport vositasidagi qolgan yo‘lovchilar tan jarohati olib tuman tibbiyot birlashmasiga murojaat qilgan.
Hozirda holat yuzasidan Sariosiyo tuman IIB tergov guruhi tomonidan jinoyat ishi qo‘zg‘atilib, tergov harakatlari olib borilmoqda.
Мавзуга оид хабарлар:
Toshkentda uchta mashina ishtirokida YTH sodir bo‘ldi Toshkentda boshqaruvni yo‘qotgan Cobalt YTHga uchradi Jizzaxda sodir bo‘lgan YTHda ikki kishi halok bo‘ldi Toshkentda 5 ta mashina ishtirokida YTH yuz berdi Sirdaryoda 6 ta mashina to‘qnashib ketdi