Toshkent aeroportida dori vositalarini non ichga yashirgan shaxs ushlandi

Dastlabki hisob kitoblarga koʻra, ushbu dorilarning umumiy qiymati 40 mln soʻmni tashkil qiladi.

Toshkent xalqaro aeroportida dori vositalarini non orasiga yashirgan holda olib oʻtmoqchi boʻlgan shaxs ushlandi. Bu haqda “Toshkent-Aero” ixtisoslashtirilgan bojxona kompleksi matbuot xizmati xabar berdi.

Maʼlum qilinishicha, aeroportda bojxona xodimlari tomonidan Dehlidan kelgan yoʻlovchi tekshirilgan. Unda yoʻlovchining non orasiga, shirinliklar va sovun qutilari ichiga 8 nomdagi 59 ta ampula, 97 ta flakon va 142 ta konvalyutadagi dori vositalarini yashirgani aniqlangan.

Dastlabki hisob kitoblarga koʻra, ushbu dorilarning umumiy qiymati 40 mln soʻmni tashkil qiladi.

NOVA24 TikTokʼda. Obuna boʻling
Asosiy yangiliklar va qiziqarli videolar