Fargʻonada 72 yoshli ota oʻgʻlini pichoqlab oʻldirdi
Oltiariq tumanida 72 yoshli ota 41 yoshli oʻgʻlini pichoqlab oʻldirdi.
Fargʻona viloyati Oltiariq tumanida 72 yoshli erkak 41 yoshli oʻgʻlini pichoqlanib oʻldirdi. Bu haqda Bosh prokuratura matbuot kotibi Hayot Shamsutdinov xabar berdi.
Bildirilishicha, voqea 1-sentyabr kuni soat 17:00 lar atrofida Oltiariq tumani “Toshobod” MFYda sodir boʻlgan. Oʻsha kuni 72 yoshli N.N. yashash xonadonida oʻgʻli 1983-yilda tugʻilgan O.N. bilan oʻzaro janjallashgan. Janjal oqibatida u oʻgʻlini qasddan oʻldirish maqsadida yashash xonadonidan oshxona pichogʻini olib, ushbu pichoq bilan qurollanib, O.N.ning koʻkrak qafasi yuqori chap tomon qismiga bir marotaba urib, ogʻir tan jarohati yetkazgan.
Olgan tan jarohatlari oqibatida fuqaro O.N. Oltiariq tuman Tibbiyot birlashmasi SHTTYB reanimatsiya boʻlimida vafot etgan.
Mazkur holat yuzasidan 2-sentyabr kuni Oltiariq tumani prokuraturasi tomonidan N.N.ga nisbatan Jinoyat kodeksining 97-moddasi 1-qismi bilan jinoyat ishi qoʻzgʻatilgan. Hozirda gumon qilinuvchi N.N. Jinoyat-protsessual kodeksining 221-moddasi tartibida ushlangan.
Мавзуга оид хабарлар:
Farg‘onada qidiruvdagi mashina YTHga uchragan holda topildi Toshkentda tanishining jinsiy a’zosini kesib tashlaganlarga sud hukmi o‘qildi Farg‘onada mikroavtobus va yuk mashinasi ishtirokida YTH sodir bo‘ldi Farg‘onada avtotreyler YTHga uchradi Farg‘onada yuz bergan avariya oqibatida ikki yo‘lovchi halok bo‘ldi