Qozogʻiston prezidenti Qosim-Joʻmart Toʻqayev xalqqa anʻanaviy murojaatnomasi doirasida mamlakatda atom elektr stansiyalarini qurish boʻyicha umumxalq referendumi oʻtkaziladigan sanani maʻlum qildi. U 6-oktyabr kuni boʻlib oʻtadi, deb xabar beradi DW’ning Qozogʻistondagi muxbiri 2 sentabr, dushanba kuni.

Unga koʻra, Toʻqayev atom energetikasiga boʻlgan talabni “global energiya tanqisligi” kuchayishi va Qozogʻistonning “ishonchli va toza energiya manbalariga” shoshilinch ehtiyoji bilan bogʻlagan.

Aniqlik kiritilishicha, Qozogʻiston hukumati kelajakda bir emas, uchta AES qurishni koʻrib chiqmoqda. Qurilish uchun yaroqli joylar orasida mamlakat energetika vaziri Almasadam Satkaliyev avvalroq Balxash koʻli qirgʻogʻi, Irtishdagi Kurchatov shahri va Gʻarbiy Qozogʻistonda oʻrta elektr stansiyasi ishlagan joyni ilgari surgan edi.

2023-yilda Qozogʻiston Energetika vazirligi mamlakatda atom elektr stansiyalarini qurish uchun daʻvogarlar qatorida toʻrt kompaniya borligi haqida maʻlumot tarqatdi. Gap Xitoyning CNNC korporatsiyasi, Janubiy Koreyaning KHNP, Fransiyaning EDF va Rossiyaning “Rosatom” kompaniyasi haqida bormoqda.