Raqobat qoʻmitasi sement ishlab chiqaruvchi korxonani 4,9 mlrd so‘m jarimaga tortdi

Raqobat qoʻmitasi insofsiz raqobat sodir etgan sement ishlab chiqaruvchi korxonani 4,9 mlrd so‘m jarimaga tortdi.

“Shangfeng-Bridge of Friendship” MChJ boshqa ishlab chiqaruvchilarga nisbatan insofsiz raqobat sodir etgan deb topildi. Bu haqda Raqobat qoʻmitasi xabar qilmoqda.

Ishni koʻrib chiqish natijasida quyidagilar aniqlangan:

• 2024 yilning mart-iyul oylarida birja savdolari orqali sotilishi kerak boʻlgan jami 122,7 ming tonna sement mahsuloti belgilangan talablarga zid ravishda korxona tomonidan toʻgʻridan-toʻgʻri shartnomalar asosida realizatsiya qilingan;
• jami 2,7 mingtonna sement mahsuloti oʻrtacha hisoblangan birja kotirovkasidan yuqori narxlarda toʻgʻridan-toʻgʻri realizatsiya qilingani natijasida 81,1 mln soʻm asossiz ravishda daromad olingan va boshqa sement ishlab chiqaruvchilarga nisbatan insofsiz raqobatni sodiretgan.

Shu sababli Raqobat qoʻmitasining hududiy boshqarmasi maxsus komissiyasi tomonidan “Shangfeng-Bridge of Friendship” MChJ raqobatga zid harakatlarni sodir etgani sababli belgilangan tartibda 4,9 mlrd soʻm miqdorda moliyaviy jarimaga tortilgan.

Shu bilan birgalikda, MChJ tomonidan yuqori likvidli va monopol turdagi (sement) mahsulotni toʻgʻridan-toʻgʻri shartnomalarga asosan realizatsiya qilishda qoʻshilgan qiymat soligʻi va foyda soligʻini hisoblash boʻyicha toʻplangan hujjatlar soliq organiga yuborilgan.

NOVA24 Telegramʼda. Obuna boʻling
Tezkor xabarlar va asosiy voqealar