Eronda Raisiyning o‘limi bo‘yicha tergov yakunlandi

So‘rov natijalari Raisiy bo‘lgan vertolyot halokatida inson omili yo‘qligini ko‘rsatgan.

Eron razvedka xizmatlari mamlakat sobiq prezidenti Ibrohim Raisiyning o‘limi bo‘yicha 30 ming nafar kishini so‘roq qildi. Bu haqda Eron Fars nashri davlat xavfsizlik idoralaridagi manbasiga tayanib, xabar berdi.

So‘rov natijalari Raisiy bo‘lgan vertolyot halokatida inson omili yo‘qligini ko‘rsatgan.

Ushbu voqeadan so‘ng davlat xavfsizlik va razvedka idoralari 30 mingga yaqin odamni so‘roqqa tutdi, bu tekshiruvlar natijalari vertolyot halokatida inson omili yo‘qligini ko‘rsatdi, deyiladi xabarda.

19-may kuni Eron prezidenti Raisiy, TIV rahbari Amir Abdullaxon va boshqa rasmiy shaxslar bo‘lgan vertolyot mamlakat shimoli-g‘arbidagi Verzegan viloyatida halokatga uchragan edi.

NOVA24 Telegramʼda. Obuna boʻling
Tezkor xabarlar va asosiy voqealar