Samarqanddagi YTHda 4 yashar bola halok bo‘ldi

Jomboy tumanida Gentra haydovchisi yo‘l chetidagi 4 yoshli bolani urib ketdi, oqibatda u voqea joyida halok bo‘lgan.

Samarqand viloyati Jomboy tumanida Gentra haydovchisi yo‘l chetidagi bolani urib yubordi, deya xabar bermoqda viloyat Yo‘l harakati xavfsizligi boshqarmasi.

Qayd etilishicha, holat 9-avgust kuni soat 19:40 atrofida sodir bo‘lgan. Haydovchi rul boshqaruvini yo‘qotgan, so‘ngra yo‘l chetida turgan 4 yoshli bolani urib yuborgan. Oqibatda bola olgan tan jarohatlari sabab voqea joyida halok bo‘lgan.

Haydovchiga nisbatan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish odam o‘limiga sabab bo‘lsa) bilan jinoyat ishi qo‘zg‘atilgan.

Hozirda tergov harakatlari olib borilmoqda, deyiladi xabarda.

NOVA24 TikTokʼda. Obuna boʻling
Asosiy yangiliklar va qiziqarli videolar