Surxondaryo viloyatida 16 yoshli yigit opasini urib oʻldirdi

Mazkur holat yuzasidan Muzrabot tuman prokuraturasi tomonidan jinoyat ishi qoʻzgʻatilib, gumonlanuvchi tegishli tartibda ushlangan.

Surxondaryo viloyatida 16 yoshli yigit opasini urib oʻldirdi. Bu haqda Bosh prokuratura matbuot kotibi Hayot Shamsutdinov xabar berdi.

Bildirilishicha, Muzrabot tuman IIB navbatchilik qismining joriy yilning 11-avgust kuni yuqoridagi faktlar boʻyicha xabar kelib tushgan. Unga koʻra, 2008-yilda tugʻilgan yigit “yigitlar bilan munosabatga kirishib yurganligi” vaji bilan 2006-yilda tugʻilgan opasining boshiga va tanasining turli joylariga tayoq va metall jism bilan urib tan jarohati yetkazgan. Oqibatda qiz voqea joyda vafot etgan.

Mazkur holat yuzasidan 11-avgust kuni Muzrabot tuman prokuraturasi tomonidan Jinoyat kodeksining 97-moddasi (qasddan odam oʻldirish) 1-qismi bilan jinoyat ishi qoʻzgʻatilib, gumonlanuvchi ushlangan.

NOVA24 YouTubeʼda. Obuna boʻling
Asosiy yangiliklar va qiziqarli videolar