Samarqandda tez yordam mashinasida piyoz tashilgani haqida xabarlar tarqaldi

Respublika tez tibbiy yordam markazi mazkur xabarlar yuzasidan munosabat bildirdi.

Ijtimoiy tarmoqlarda Samarqandda tez yordam mashinasida piyoz tashilgani haqida xabar va fotosurat tarqaldi. Respublika tez tibbiy yordam markazi matbuot xizmati buni rad etdi.

O‘rganishlar davomida aniqlanishicha, mazkur avtomashina tez tibbiy yordam xizmatiga emas, balki Samarqand shahrida faoliyat ko‘rsatayotgan xususiy klinikalardan biriga tegishli ekanligi aniqlandi.

Undan bemorlarni davolash uchun shifo maskaniga olib kelish, yashash manziliga eltib qo‘yish va mobil tibbiy yordam ko‘rsatish maqsadlarida foydalanib kelingan.

Klinika vakillarining izohlashicha, ushbu tadbirkorlik subyektiga qarashli xo‘jalik avtomashinasi harakatlanish chog‘ida yo‘lda buzilib qolgan, oqibatda yukni manzilga yetkazish uchun fotosuratda aks etgan transport vositasidan foydalanishga to‘g‘ri kelgan.

NOVA24 YouTubeʼda. Obuna boʻling
Asosiy yangiliklar va qiziqarli videolar