Toshkentda bir-biriga tutash uchta xonadonda yongʻin sodir boʻldi

Hodisa joyiga 7 ta yongʻin-qutqaruv ekipaji yetib borgan. Yongʻin oqibatida hech kim tan jarohati olmagan.

Shayxontohur tumanida bir-biriga tutash qurilgan xonadonlarda yongʻin sodir boʻldi. Toshkent shahar FVB yongʻin toʻgʻrisida maʼlumot berdi.

Unga koʻra, bugun soat 13:54da Shayxontohur tumani Quvur ariq 2-tor koʻchasida joylashgan bir-biriga tutash qurilgan 3 ta xonadonda yongʻin sodir boʻlganligi toʻgʻrisida tuman FVBga xabar kelib tushgan.

7 ta yongʻin-qutqaruv ekipaji soat 14:00da voqea joyiga yetib borgan hamda yongʻin soat 14:25 da oʻrab olinib, soat 14:47da toʻliq oʻchirilgan. Qayd etilishicha, hodisa oqibatida tan jarohati olgan va halok boʻlganlar yoʻq. Hozirda yongʻin sababi va moddiy zarar miqdori aniqlanmoqda.

NOVA24 Telegramʼda. Obuna boʻling
Tezkor xabarlar va asosiy voqealar